Гол како вистина

Соблечен сум гол како вистина
се оцртуваат годините на градиве
ги бројам и на секоја има по една вина.
Се исправам божем гневен па
глумам невин насмеан и ги барам
патеките на твоите прсти во мојата
проседа коса а таму само мршава песна.

Почнувам забрзано да дишам
да ги одлепам мирисите од твоите усни
на градиве кога ги забораваше на моиве ребра.

Колку само пати моиве раце те убиваа
додека ти ги кинев канџите
и те затворав во мојот кафез
а ти алчно се навикнуваше на него.

Зарем е можно ова тело за тебе да беше
столб на светиот грев и ненаситен звер
што се храни со твоето крваво срце
а ти му допушти да старее и сеуште да пие
од соковите на твоите крици и соништа
како ништо да не се случило.

Ќе ги обвиткам рацеве околу телово
прости но морам да те задавам зашто
не стигнав да ти кажам на минување сум
во друштво иднината не се отфрла.

МЈ 2017 г

Related image

Posted in Uncategorized | Напишете коментар

Педофилијата во замав

Реакција на Детската амбасада МЕЃАШИ по повод текстот на Никола Шиндре ,,Сексуалноста над рационалноста”
Да потсетиме, за авторот на текстот педофилите се „маргинализирана група“ а исто и децата кои според него „сакаат да имаат сексуални односи со возрасни“ или поточно ,,Што се случува кога 12-годишно дете ќе посака секс или барем ќе се задоволува на помислата дека има секс со 50 годишен маж или жена, па подоцна ќе посака истото и да го реализира?!” Понатака во текстот се вели ,,Морам да признаам дека, дури и покрај моите крајно слободарски гледишта за слободите на човекот (а и детето е човек), мене би ме заинтересирало, пред да дадам суд колку бил стар партнерот на тринаесетгодишникот, како се запознале и можеби уште некоја друга информација која би се наметнала како важна. Сепак, морам да кажам дека првенствено би ги прашал обајцата дали слободно и по сопствена волја се впуштиле во сексуално општење.”
Ваквите ставови на поединци, за жал не се осамени, колку и да изгледа тоа монструозно!
Уште посимптоматични се и дел од реакциите на поединци на тие ставови.
Во светот се смета дека педофилијата е сексуален контакт/однос/вознемирување со/на дете кое има 13 или е под 13 годишна возраст а сторителот на ова тешко кривично дело е возрасна личност која е минимум 5 години постара од детето жртва.
Залагањето на авторот на текстот за легализација на педофилијата е во спротивност со член 3 од Конвенцијата за правата на детето каде се вели: во сите активности кои се однесуваат на децата, од примарно значење се интересите на детето, без оглед дали ги спроведуваат јавните или приватните институции за социјална заштита, судовите, административните органи и законодавните институции.
Дали авторот на овој текст знае колку деца во Македонија се жртви на педофилија и родосквернавење и какви трауми и последици од тие дела носат?
Дали Никола Шиндре е подготвен да преземе одговорност за секое следно дете жртва на педофилија поттикнувајќи ја и охрабрувајќи ја истата?
Дали Јавниот обвинител ќе преземе кривично гонење кон авторот на овој текст?
ДЕТСКАТА АМБАСАДА МЕЃАШИ СЕ ЗАЛАГА ЗА ДОЖИВОТНА КАЗНА ЗАТВОР ИЛИ ХЕМИСКА КАСТРАЦИЈА ЗА СЕКОЈ ПЕДОФИЛ (под ова се подразбираат и мажите и жените иако педофилијата е многу ретка меѓу жените). Доживотен затвор како казнена мерка може да помогне сторителите на овие тешки кривични дела да бидат во целосна изолација. Од друга страна и превентивно да помогне да не се случуваат сексуални злоставувања на деца од истите сторители, а воедно да биде и опомена за сите идни случаи.
ВО БОРБАТА ПРОТИВ ПЕДОФИЛИЈАТА ТРЕБА ДА БИДАТ МОБИЛНИ И ПОСВЕТЕНИ СИТЕ, РОДИТЕЛИ , ГРАЃАНИ, ГРАЃАНСКИ ОРГАНИЗАЦИИ, МЕДИУМИ И СИТЕ ИНСТИТУЦИИ СО ЦЕЛ ЗАШТИТА НА ПРАВАТА НА ДЕТЕТО, ДЕТСКТАТА ЛИЧНОСТ, ДОСТОИНСТВО И НАЈДОБАР ИНТЕРЕС НА ДЕТЕТО
Пред неколку години во Холандија имаше обид за регистрација на Партија на педофили. Амбасадата Меѓаши остро реагираше против регистрацијата на партијата особено поради тоа што програмските цели на оваа партија предвидуваат симнување на легалната возрасна граница кај децата за сексуални односи, легализирање на детската порнографија, па дури и легално прикажување и промовирање на насилна порнографија, а тоа е спротивно на духот на Конвенцијата за заштита на правата на детето. Имено потписничките на Конвенцијата за правата на детето се залагаат за меѓународна акција на државите и другите меѓународни организации во корист на хармоничен развој на личноста на детето, во атмосфера на љубов и разбирање. Исто така залагањето на Партијата за овозможување деца на возраст од 16 години да се занимаваат со малолетничка проституција и да се појавуваат во порнографски филмови е во спротивност со Конвенцијата за забрана на најлошите форми од злоупотреба на детскиот труд бр.182.
Да не дозволиме на мала врата, преку медиумскиот простор, легализација на едно од најопасните кривични дела кои оставаат трајни последици по личноста на детето (сексуална злоупотреба / педофилијата ) и немаат врска со сексуалната слобода и борбата за правата на ЛГБТ заедницата! Затоа Детската амбасада Меѓаши ќе се обрати до Народниот правобранител со претставка за користење на медиумскиот простор при што се прекршуваат правата на детето.

https://antropol.mk/2017/06/17/%D1%81%D0%B5%D0%BA%D1%81%D1%83%D0%B0%D0%BB%D0%BD%D0%BE%D1%81%D1%82%D0%B0-%D0%BD%D0%B0%D0%B4-%D1%80%D0%B0%D1%86%D0%B8%D0%BE%D0%BD%D0%B0%D0%BB%D0%BD%D0%BE%D1%81%D1%82%D0%B0/

Posted in Uncategorized | Напишете коментар

Кралско спиење

Кралско спиење

буден сум а спијам
на некоја карпа
нозете ми ги заплускува некое бранче
нешто е сомнително не се мои
спијам во некоја градина
на клупата покрај масата
од масивен мермер со скршена вазна
спијам на еден стар резбан стол
во маалската црква
покрај вратата на некогашниот театар
на еден покрив вжештен од сонцето
секаде спијам
потпрен на своите дланки
покриен со шарени парчиња небо
летајќи, пливајќи, пловејќи
спијам и со мечот в рака
со моето перо и песната крал што ме стори
и вие ќе спиете еден ден
и вие ќе бидете кралеви
под земајата
МЈ 2017 г

Image result for кинг ис деад

Posted in Uncategorized | Напишете коментар

Вечна прашина врз вниманието

Вечна прашина врз вниманието

Чудни се фестивалите
секогаш бараат нова приказна,
цртежите нови птици,
предградијата тивки соби,
мостовите зелени реки,
очилата јако сонце,
галебите сино море.

Неважните се дават во важност,
порцелански чинии,
скинатите чорапи,
помилуваните крадци,
пластичните цвеќиња,
воспаленијата на крајниците,
звучните бакнежи во празно,
остарените кралици,
старите албуми,
и вечната прашина врз вниманието.

Се` е чудно и неважно,
се помалце зависно од фрлената
невидлива коцка на денот
и силата на стисокот од тишината
што ја ремети нашата птица
во градите.
МЈ 2017 г

Related image

Posted in Uncategorized | Напишете коментар

Секој крај на песната е почеток

Секој крај на песната е почеток

Ајде да ловиме зајаци,
без нагон за убивање без пукање
во самракот кога не се гледа.
Смртта на ушестите ќе биде одложена
нашите намери без капка крв
бескрајно одложени до проѕирна хуманост.

Ајде, нашите фикс идеи
да ги посееме горе на голине ридови,
ќе бујнат дабовини и по некој поток,
ќе заливадат нашите гени и копнежот
по минливоста на сеидбата на течните глаголи.

Ајде време е да ја оплачиме ноќта,
да го прибереме пладнето да не преспие
во утринската кашлица
или да нагази на талкачите ежови
што се тркалаат низ умножени јазици

Има уште многу
до самиот врв на сеќавањето.
Слоеви од метафори чекаат дешифрирање,
секој крај на песната е почеток,
како соѕидани иницијали заедно
со стапицата на љубовта.
МЈ 2017 г

Related image

Posted in Uncategorized | Напишете коментар

Уморен

Уморен

Уморен сум од силата
на затегнатиот лак врз прашањата.
Полека пролетва ги однесе сите мразеви
мазно и тивко како летот на пердувот
како пиjано синило на небото,
во прстиве ми ги остави стиховите и
одблесокот на жарта од мојата здодевност.
Си правам одар
врз кревката кора на идната книга
каде што ќе се жртвувам
со лицето без маска во ритам
на последната песна неопходна
за танцот за пречистување на вечноста
во духот.
МЈ 2017 г

Image result for afrika poezija

Posted in Uncategorized | Напишете коментар

Еден ден

Еден ден

Јас не бев во облакот поети мене ме очекуваа.
Беа влезени во неизмисленото,
ги преместуваа сламените шешири на главите
за да не стрчат дресираните ангели на сонцето.
Охрид беше нивниот запад на исток.
На чекор од мостот во Струга,
фестивалот се трезнеше длабоко во сводот
на дното седнат на проѕирката од измислени корали.
Данец, ирец или швеѓанин за мене, тогаш,
далечната `80 исто како гаталец на излог.
Триесет и седум лета.
Хај Магнус Енценсбергер.
Сега имам свој облак сомотен во боја по потреба.
Се наметнав со нечија наметка на упорноста,
го прелетав езерото се до неговиот истек
слетав за миг на мостот, на оградата ја
закатанчив мојата меланхолија, клучот
го зкачив далеку на еден јавор дури во
Лавреинската гора.

МЈ 2014 г

 

Related image

Posted in Uncategorized | Напишете коментар

Мојот гулаб

Мојот гулаб

Еден гулаб слета на мојот балкон.
Се вртеше во круг, исплашен и возбуден.
Можеби го ловел некој јастреб и успеал
да се спаси влетувајќи во овој мој мал расказ.
А можеше да биде и врана една од оние на Хомер
логистика после напорните крвави битки.
Ама не.
Гулабот миговно го затвори аголот во моето око.
Се вклопи во кадарот го овековечи го позлати.
Ме погледна ги рашири крилата и одлета.
Ми остави пафтање мала партитура за мене.
Се надевам ќе ме прочитаат Голвеј, Фрост, Пастернак
дури и Лорка, зошто морало гулаб да биде.

МЈ 2017 г

Image result for moj golub na balkonu

Posted in Uncategorized | 2 Коментари

Сепак има нешто

Сепак има нешто

Чудесна свежина влегува низ прозорциве
сонцето некаде горе се лути на облаците
зошто не чекаат ред и се туркаат пред него,
ќе зајде а една слика помалце ќе ја има
во рамката на неговиот албум.
Полека еден зад друг се паркираат возилата
пред зградата тивко нечујно без здив
како верни кученца кои ги слушаат наредбите
на своите сопственици задоволни од излетот
олеснети од обврската да се гушат и чекаат
на семафорите низ градот.
Се слуша затварање на вратите од становите
и тивката бучава на лифтот.Од некои балкони
и тераси детсите восклици упатени кон родителите
нималку не заостануваат зад птичјиот пој
кога женката или мажјакот се враќа во гнездото.
За момент се се смирува.
Полека се смрачува.
Се завртев накај собата и седнав
сето ова да го напишам ни самиот не знам зашто.
Сепак има нешто.Има.
Како и јас да се вратив дома.
Замислував како полека се качувам по скалите,
нешто тешко ме гушеше се до пред вратата кога
одгатнав дека тоа е твојата отсутност.
МЈ 2017 г

Image result for children drawing

Posted in Uncategorized | Напишете коментар

Пред да легнам

Пред да легнам

Пред да легнам
прозорциве зрачат црвено
на стаклото се гледам жолто
на моменти зелени искри испишуваат
бранови од заспана боја.

Една насмевната тага
прави бранови бели како сатен
полека се слеваат како мед над маргаритка.

Портокаловото трепери
нанесува релјефи од сино и сребро
а јас немо и вкочанет го подавам срцето
кон Касиопеја и не сакам да ми го врати.

Ме делат од растежот и гордоста
како непознат страв и новороденче
што го присвоило златото во својот сон
боите на ноќната поента
пенлива и скарлетна како твојот глас
што ме бара.
МЈ 2017 г

Image result for usne vrele

 

Posted in Uncategorized | 2 Коментари